25/8/17

O Vilalba F.S. pasa a oitavos

O Vilalba F.S. clasificouse para os oitavos da Copa Galicia, ao gañar por 3 a 1 ao Superti A Pontenova.
Foi un partido moi igualado, que se decantou do lado local por pequenos detalles.
Comezou o encontro con gol para os vilalbeses no primeiro minuto. Nunha xogada de estratexia, Fran Pastor adiantaba aos locais.
Na primeira metade ningún dos equipos estarían atinados de cara a portería, e chegaríase ao descanso cun só gol.
Á volta dos vestiarios, os visitantes igualarían o marcador, cun gol de falta de Catalin.
As ocasións chegaban para ambos equipos, mais os porteiros farían ben o seu traballo.
No ecuador da segunda metade, os de Alfonso marcarían nunha contra por medio de Paulo.
Tres minutos máis tarde, Asier aproveitaría unha indecisión de Alex, para facer o 3-1.
A Pontenova sacaría o cinco para catro, mais o electrónico non se movería.
Os vilalbes pasan á seguinte ronda, na cal se enfrontarán ao Noia da Segunda División. O encontro ten que desputarse entre o 1 e o 13 de setembro.


Vilalba F.S.: Yago, Jose López, Rubén Mouriz, Roi e Fran Pastor, -cinco inicial-, Paulo, Nuno, Asier e Martín.
A Pontenova 1: César, Miguilla, Paulo, Iago e Diego, -cinco inicial-, Alex, Manuel, Catalin e Miguel.
Árbitros: Eduardo Corral Martínez, Pablo José Fernández Becerra e Alba Barro Paz.
Amoestaron con amarela a Fran Pastor, Rubén Mouriz e Paulo no Vilalba. Tamén viu cartón vermello o adestrador Luis Vázquez. Pola A  Pontenova viron cartón Diego, Paulo, Catalin, Iago e Miguel.
Goles: 1-0 min. 1 Fran Pastor, 1-1min. 24 Catalin, 2-1 min. 33 Paulo, 3-1 min. 36

25/4/17

Entrevista a Alfonso 25ª Xornada

Entrevista a Alfonso González na Radio Principal Vilalba Cadena Ser, sobre a 25ª Xornada.
Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 25ª XORNADA

24/4/17

Billete para a fase final da copa

O Vilalba F.S. pasou á fase final da copa de Melide, despois de gañar aos penatis ao Ribeira. O partido rematou con empate a dous goles, que puideron ser máis, pero o acerto dos porteiros de ambos equipos foi moi alto.
Comezaron os vilalbes o encontro con dúas boas ocasións de Freire e Jose López. Pero os locais na primeira que tiveron non perdoaron.
Os de Alfonso tiñan a posesión, o Ribeira agardaba e saía con moito perigo, e noutra contra faría o 2-0.
Os visitantes lonxe de virse abaixo, recurtarían nunha boa combinación entre Jose e Alvarito, que remataría Roi no segundo pau.
Antes do descanso, nunha xogada de estratexia nun saque de esquina, Jose López faría o empate.
Na segunda metade os chairegos sairían a polo partido, tendo ocasións claras pero non puideron materializalas.
Os minutos pasaban e o encontro foise igualando. Un lanzamento ao pau para cada equipo, e ocasións varias.
A máis clara para Freire faltando 10 segundos, que paraba David.
E na lotaría dos penaltis, o premio foi para Vilalba. Comezaba marcando Quintela. Marcaba Jose López. Paraba Iago. Marcaba Luis. Marcaban os locais. E o derradeiro marcaríao Freire.
Bo partido de ambos equipos, con moitas ocasións.
O sábado 28 as 20:00, o Vilalba F.S. xogará a semifinal contra o 5 Coruña. E de gañar disputaría a final as 12:00, contra Ourense ou Pazos.
O clube organiza viaxe para @s seareir@s que queiran animar ao equipo.

Ribeira 2: Juan, César, Pablo, Marcos e Quintela, -cinco inicial-, Francisco, Regueiro, Luis e David.
Vilalba F.S. 2: Iago, Jose López, Paulo, Alvarito, e Freire , -cinco inicial-, Roi, Luis, Nuno e Diego.
Árbitros: Javier Menéndez Nistal, Pablo Coello Martínez e María Isabel Pérez Pedre.
Amoestaron con amarela a Francisco no Ribeira. Polo Vilalba viu cartón Jose López.
Goles: 1-0 min. 2 Pablo, 2-0 min. 9 Regueiro, 2-1 min. 11 Rou, 2-2 min. 17 Jose López.

10/4/17

Este equipo nunca se rende

O Vilalba F.S. empatou a dous goles co Santiago Futsal B, e conseguíu a permanencia matemática.
Despois dunha segunda volta marcada polas seis baixas, que tivo o primeiro equipo, os de Alfonso sufriron máis do agardado para seguir outro ano na Terceira División.
O do sábado foi un partido moi igualado, e a pesar de comezar perdendo na primeira xogada, os vilalbeses non se renderon. Nunha moi boa xogada persoal de Freire, Luis soamente tería que apuxar o coiro para facer o empate antes do descanso.
Á volta dos vestiarios os de Santiago adiantaríanse de novo. Os locais sacarían a garra e o incombustible Luis, faría o empate definitivo faltando catro minutos para o final.
Os visitantes sacaría o porteiro-xogador, mais o marcador non se movería.
Gran partido de todo o equipo, que co empuxe da grada conseguíu o obxetivo.

Vilalba F.S. 2: Iago, Jose López, Roi, Paulo e Alvarito, -cinco inicial-, Luis, Nuno, Juanjo, Freire e Diego.
Santiago Futsal B 2: Felipe, Gonzalo, Iago, Pablo e Brian, -cinco inicial-, Rafael, Xabier, Igor, Miguel e Fernández.
Árbitros: Borja Moreira Bermúdez, Manuel Dans Rey e José Ángel Fernández Vázquez.
Amoestaron con amarela a Roi e Luis no Vilalba. Polo Santiago viron cartón Pablo, Miguel, Gonzalo e Xabier. Yago foi expulsado con cartón vermello.
Goles: 0-1 min. 0 Iago, 1-1min. 19 Luis, 1-2 min. 24 Fernández, 2-2 min. 36 Luis.

6/4/17

Entrevista a Alfonso 24ª Xornada

Entrevista a Alfonso González na Radio Principal Vilalba Cadena Ser, sobre a 24ª Xornada.
Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 24ª XORNADA

3/4/17

A falta de intensidade impide puntuar

O Vilalba F.S. perdeu 6-5 contra o Carballiño, e con esta derrota métese de cheo na loita pola permanencia á falta dun partido para os vilalbeses.
Na vindeira xornada, os de Alfonso necesitan puntuar diante do Santiago Futsal, ou que o Carballiño non o faga diante da Estrada. Senón puntuan e o Carballiño si, terán que agardar ao resultados da derradeira xornada, onde ao Vilalba lle toca descansar.
Comezou mal o encontro para os chairegos coa lesión de Freire no primeiro minuto. Aos locais soamente lles valía a vitoria e adiantábanse no marcador.
Paulo empataría mediada a primeira parte.
O Carballiño sacaría o porteiro-xogador e faría o 2-1.
Luis antes do descanso empataría o partido.
Á volta dos vestiarios os visitantes farían dous novos goles, dando a impresión de que poderían levar algo positivo desta saída.
Pero os locais non se renderon e co cinco para catro ben traballado, e a falta de intensidade dos vilalbeses conseguiron empatar. Roi marcaría o 4-5. E o Carballiño seguindo co xogo de cinco, levaría os tres puntos con 2 novos goles.
Partido marcado polo bo xogo no cinco para catro dos locais, co cal marcaron cinco goles e a falta de intensidade do Vilalba.

Carballiño 6: Alejandro, Óscar, Aitor, Álvaro e Cristian, -cinco inicial-, Fabián, Edgar, David, Iván, Daniel, Noel e Fabio.
Vilalba F.S. 5: Iago, Paulo, Alvarito, Freire e Nuno, -cinco inicial-, Roi, Luis, Jose López, Juanjo e Diego.
Árbitros: Eduardo Cordal Martínez, Pablo José Fernández Becerra e Eva Fernández Lorido.
Amoestaron con amarela a Fabio e Fabián no Carballiño. E viu cartón vermello Aitor. O Vilalba non tivo amoestados.
Goles: 1-0 min. 5 David, 1-1 min. 15 Paulo, 2-1 min. 18 David, 2-2 min. 19 Luis, 2-3 min. 26 Paulo, 2-4 min. 27 Aitor p.p., 3-4 min. 33 Iván, 4-4 min. 34 Paulo p.p., 4-5 min. 36 Roi, 5-5 min. 37 Iván, 6-5 min. 39 Cristian.



30/3/17

Entrevista a Alfonso 23ª Xornada

Entrevista a Alfonso González na Radio Principal Vilalba Cadena Ser, sobre a 23ª Xornada.
Se queredes escoitala en directo os xoves, podedes facelo no 87.7 FM ou na web www.radioytele.es
ENTREVISTA A ALFONSO 23ª XORNADA

24/3/17

Entrevista a Alfonso 22ª Xornada

Entrevista a Alfonso González na Radio Principal Vilalba Cadena Ser, sobre a 22ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 22ª XORNADA

20/3/17

Só faltou marcar as ocasións

O Vilalba F.S. perdeu 3-1 contra A Pontenova.
O descenso segue a 8 puntos ao descansar esta xornada o Carballiño, pero as vitorias do Bembrive e do Casás, fan que se aprete máis a clasificación.
A primeira parte foi de dominio vilalbés con ocasións claras de gol, unhas erradas polos de Alfonso e outras desbaratadas por César.
Os locais apenas creaban perigo con saques longos a porta de Iago.
Ao descanso chegaríase con empate a cero.
Na segunda metade igualouse o encontro sobre todo despois do gol de Nuno, que adiantaba ao Vilalba.
A partir de ahí os pontenoveses apretarían máis e os visitantes cometerían erros. Froito dun deles chegaría o empate.
Cos vilalbeses cargados de faltas, os árbitros pitarían unha sexta moi dubidosa. Paulo dende os 10 metros daríalle á volta ao partido.
Alfonso sacaría o cinco para catro, tendo un par de ocasións para empatar, pero sería Miguilla o que faría o terceiro para o seu equipo.
Moi bos os primeiros trinta minutos do Vilalba, pero desperdiciando moitas ocasións.
A vindeira xornada visitará o Municipal o Ribeira.

A Pontenova 3: César, Miguilla, Manuel, Paulo e Iago, -cinco inicial-, Diego, Fidel e Miguel.
Vilalba F.S. 1: Iago, Luis, Jose López, Paulo e Alvarito, -cinco inicial-, Roi, Freire, Nuno e Juanjo.
Árbitros: Juan José García Gómez, Pablo José Fernández Becerra e Alba Barro Paz.
Amoestaron con amarela a Miguilla, Miguel e Paulo no Bueu. No Vilalba viron cartón Alvarito, Freire, Luis e Roi.
Goles: 0-1 min. 26 Nuno, 1-1 min. 33 Iago, 2-1 min. 35 Paulo, 3-1 min. 39 Miguilla.

18/3/17

Entrevista a Alfonso 21ª Xornada

Entrevista a Alfonso González na Radio Principal Vilalba Cadena Ser, sobre a 21ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 21ª XORNADA

13/3/17

Derrota contra o 5 Coruña

O Vilalba F.S. perdeu 3-5 contra o 5 Coruña, que o adianta na clasificación. Coas derrotas de Casás e Carballiño o descenso segue a 8 puntos.
Os visitantes foron mellores no conxunto do encontro, aproveitando mellor a súas oportunidades e con Lago moi seguro e acertado debaixo dos paus.
Adiantaríanse no marcador os coruñeses cun gol de Óscar. Mediada  a primeira metade, o incombustible Luis faría o empate, co que se chegaría ao descanso.
Na segunda parte Luis marcaría de novo, para poñer aos vilalbeses por diante. Pero o 5 Coruña remontaría con tres goles en cinco minutos.
Con xogo de cinco para catro dos de Alfonso, os visitantes farían o quinto.
Freire faltando poucos segundos marcaría o mellor gol da tarde.
Unha xornada menos para o remate da liga, e aínda que se perdeu, o obxetivo quedou intacto polas derrotas dos de abaixo.
A vindeira xornada o Vilalba viaxa a A Pontenova para enfrontarse ao Superti.


Vilalba F.S. 3: Iago, Jose López, Paulo, Alvarito e Freire, -cinco inicial-, Luis, Nuno, Juanjo, Diego e Antón.
5 Coruña 5: Lago, Daniel, Andrés, Caropi e Óscar, -cinco inicial-, Jesús e Iván.
Árbitros: José Luis Villarino Barja, Marcos Pérez Rodríguez e Xurxo Ameneiro Boquete.
Amoestaron con amarela a Alvarito e Diego no Vilalba. Polo 5 Coruña viu cartón Andrés.
Goles: 0-1 min. 4 Óscar, 1-1min. 11 Luis, 2-1 min. 24 Luis, 2-2 min. 31 Andrés, 2-3 min. 35 Óscar, 2-4 min. 36 Caropi, 2-5 min. 39 Caropi, 3-5 min. 39 Freire.

10/3/17

Partido contra un rival directo

Este sábado día 11 o Vilalba F.S. recibe ao 5 Coruña, as 19:00, no Pavillón Municipal.
Despois da vitoria da xornada pasada, os vilalbeses reciben a un rival directo, e queren acadar os tres puntos diante da súa afección e seguir sumando para conseguir o obxetivo.
Os de Alfonso son novenos na clasificación con 6 vitorias, 4 empates e 9 derrotas, e os visitantes son décimos con 6 vitorias, 2 empates e 10 derrotas, cun partido menos.
Let's go Peugeot!!!

Entrevista a Alfonso 20ª Xornada

Entrevista a Alfonso González na Radio Principal Vilalba Cadena Ser, sobre a 20ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es
 ENTREVISTA A ALFONSO 20ª XORNADA

6/3/17

O Vilalba volve a gañar

O Vilalba F.S. gañou 4-5 ao Bueu, e conseguíu a primeira vitoria na segunda volta, que tanto se resistía. Tres puntos moi importantes que poñen a permanencia máis preto.
O partido comezaba ben para os de Alfonso. Nun saque de banda a Freire, este dispara e no segundo pau, Paulo estrearía o marcador.
A partir de ahí os locais aumentarían a presión e terían ocasións, que desbarataría Iago.
Os vilalbeses non daban entrado no encontro e apenas inquedarían ao porteiro local.
Lucas faría o empate para o Bueu que estaba merecendo máis.
Na segunda metade os visitantes sairían máis centrados.
Roi faría un dobrete nun minuto en dúas xogadas persoais e poñía as cousas con mellor cara para o Vilalba.
Mediada a segunda metade os locais recurtarían distancias.
Nunha boa xogada entre Iago, Nuno e Freire, este último faría o cuarto.
Martín un minuto máis tarde marcaría o 3-4.
Despois chegaría a expulsión de Alvarito por dobre cartón. O Bueu con superioridade sacaría porteiro-xogador. Os vilalbeses cunha boa defensa e con Iago seguro debaixo dos paus, detían as intencións dos locais que non foron quen de aproveitar a superioridade. E sería Iago o que faría o quinto dende a súa área para redondear unha boa actuación.
Faltando 12 segundos, co cinco para catro os bueueses farían o definitivo 4-5.
Vitoria moi importante do Vilalba, que a seguinte xornada recibe a un rival directo, o 5 Coruña. Partido vital para ambos, na busqueda da salvación.

A.D.F.S. Bueu 4: Pablo, Lucas, Sergio, Antonio e Adrián, -cinconicial-, Martín, Rodrigo, Calvo e Alexis.
Vilalba F.S. 5: Iago, Jose López, Paulo, Alvarito e Freire, -cinco inicial-, Roi, Nuno, Juanjo e Diego.
Árbitros: Daniel Dacal Deza, Carlos Martínez Torres e Alan Sardinero González.
Amoestaron con amarela a Adrián, Alexis e Pablo do Bueu. No Vilalba viron cartón Nuno, Luis e Jose López. Expulsaron por dobre amarela a Alvarito.
Goles: 0-1 min. 0 Paulo, 1-1 min. 13 Lucas, 1-2 min. 24 Roi, 1-3 min. 25 Roi, 2-3 min. 28 Jose López p.p., 2-4 min. 35 Freire, 3-4 min. 37 Martín, 3-5 min. 38 Iago, 4-5 min. 39 Martín.

27/2/17

Entrevista a Alfonso 19ª Xornada

Entrevista a Alfonso González na Radio Principal Vilalba Cadena Ser, sobre a 19ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 19ª XORNADA

21/2/17

Loita, polémica e 1 punto

O Vilalba F.S. empatou a tres goles contra o Coruxo, nun bo partido dos locais e con polémica arbitral.
A primeira parte foi de dominio vilalbés, con bo xogo e ocasións.
Alvarito marcaría ao inicio do encontro. Paulo faría o 2 a 0, e antes do descanso puido facer o dobrete dende os 10 metros, pero o seu lanzamento saíu desviado.
Ao inicio da segunda metade os visitantes farían o 2-1, nun erro dos vilalbeses.
E chegaría a polémica. Jose López sería expulsado, ao ver o segundo cartón, nunha xogada confusa, na que os colexiados, sen saber moi ben como, mandaron ao xogador para os vestiarios. O delegado de Vilalba sería expulsado polas protestas.
Os vigueses cun home máis terían oportunidades, pero a defensa e Iago estarían moi ben. Ata que faltando un segundo para recuperar ao quinto xogador, chegaba o empate.
O xuvenil Diego estrearíase como goleador a Terceira, facendo o 3-2.
Un par de minutos máis tarde nunha xogada embarullada e cun rexeite, o Coruxo faría o definitivo 3 a 3.
Bo partido dos de Alfonso, que con baixas, tocados e expulsión incluida, loitaron ata o final.
A vindeira xornada o Vilalba F.S. visita ao Bueu.

Vilalba F.S. 3: Iago, Jose López, Paulo, Alvarito e Freire, -cinco inicial-, Roi, Nuno, Juanjo, Luis, Antón e Diego.
Coruxo F.S. 3: Rodrigo, Bruno, Andrés, Pablo e Óliver, -cinco inicial-, Samuel, Santiago, Fernando e Abalde.
Árbitros: Diego Mella Brea, David Pérez Torrecilla e Santiago Modroño Liz.
Amoestaron con amarela a Roi, Alvarito e  Luis no Vilalba. Expulsaron por dobre cartón a Jose López e con vermella ao delegado Manolo. Polo Coruxo viron cartón Rodrigo e Samuel.
Goles: 1-0 min. 2 Alvarito, 2-0 min. 17 Paulo, 2-1 min. 20 Óliver, 2-2 min. 22 Bruno, 3-2 min. 29 Diego, 3-3 min. 31 Óliver.

20/2/17

Entrevista a Alfonso 18ª Xornada

Entrevista a Alfonso González na Radio Principal Vilalba Cadena Ser, sobre a 18ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 18ª XORNADA

17/2/17

Gañar para non meterse no perigo

Este sábado día 18 o Vilalba F.S. recibe ao Coruxo, as 18:30, no Pavillón Municipal.
Despois de cinco partidos sen gañar, os vilalbeses necesitas os tres puntos para non meterse na zona perigosa da taboa.
Os de Alfonso son novenos na clasificación con 5 vitorias, 3 empates e 9 derrotas, e os visitantes son cuartos con 10 vitorias e 7 derrotas.
Let's go Peugeot!!!

13/2/17

Borrón e conta nova

O Vilalba F.S. perdeu 6-1 diante do Sala Ourense, no que probablemente fora o peor encontro dos vilalbeses desta tempada.
Partido moi doado para os ourensáns que despois da derrota do Pazos, sitúanse a un punto do primeiro posto.
Dende o primeiro minuto os locais foron dominadores claros e Diego abriría o marcador. Higua e Tizón por dúas veces, facían o 4-0 co que se chegaría ao descanso, con poucas ocasións para os de Alfonso.
No inicio da segunda parte os visitantes terían tres ocasións para marcar, pero serían os da Cidade das Burgas os que farían o 5-0.
A partir de ahí pouca historia nun partido que xa estaba resolto. Nuno faría o gol da honra para o Vilalba, e Higua marcaría o definitivo 6-1.
Mala imaxe dos vilalbeses que a vindeira xornada reciben ao Coruxo.

Sala Ourense 6: Alejandro, Raúl Rivero, Diego, Allariz e Tizón, -cinco inicial-, Araujo, Higua, Avelino, Sergio, Tino, Kevin e Rubén.
Vilalba F.S. 1: Iago, Jose López, Roi, Alvarito e Nuno, -cinco inicial-, Freire, Paulo, Juanjo, Antón e Juan Diego.
Árbitros: Fidel González Armada, Xurxo García Rodríguez e Lorena Quintas Crespo.
No Sala Ourense non houbo amonestados. No Vilalba viron cartón Juanjo e Nuno.
Goles: 1-0 min. 1 Diego, 2-0 min. 9 Higua, 3-0 min. 14 Tizón, 4-0 min. 16 Tizón, 5-0 min. 25 Diego, 5-1 min. 26 Nuno, 6-1 min. 36 Higua.

10/2/17

Saída complicada para o Vilalba

Este sábado día 11, o Vilalba F.S. viaxa á Cidade das Burgas para enfrontarse ao Sala Ourense as 13:00, no Pavillón Municipal Os Remedios.
Os de Alfonso buscarán puntuar diante dun rival, que despois de perder o liderato nas pasadas xornadas, necesita os 3 puntos para continuar na loita polo ascenso. A nova fichaxe, Juanjo del Río, saltará á pista coa camisola verde
Os vilalbeses son novenos con 5 vitorias, 3 empates e 8 derrotas, e os ourensáns son segundos con 12 vitorias e 4 derrotas.


9/2/17

Entrevista a Alfonso 17ª Xornada

Entrevista a Alfonso González na Radio Principal Vilalba Cadena Ser, sobre a 17ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 17ª XORNADA

6/2/17

Partido moi longo para os vilalbeses

O Vilalba F.S. perdeu 1 a 5 contra o Pazos de Borbén, que aproveita o tropezo do Ourense para ampliar a vantaxe dende o liderato.
Fíxoselle o partido moi longo aos vilalbeses, que con poucas rotacións foron aguantado ata que puideron as forzas.
A primeira metade foi igualada con ocasións e bo xogo de ambos.
Luis voltaba a marcar dende a súa volta ás pistas, nun rexeite a tiro de Freire.
O Pazos empataría aos poucos segundos nunha falta directa.
Freire e Álvaro terían sendas ocasións para marcar, pero sería Jonas o que remontaría para os visitantes cun bo gol dende fora.
Faltando 5 minutos o Municipal quedaría sen luz, pero non tardaría en reanudarse o encontro.
Á volta do parón, Luis sufriría unha lesión que non lle permitiría continuar.
Chegaríase ao descanso co marcador de 1-2.
Na segunda metade o Pazos aproveitaría unha perda para encarrilar o encontro.
Coas pernas xa moi cargadas, os vilalbeses ainda terían ocasións para remotar cun pau de Jose López e un despiste de Esteban, que case mete o coiro na súa porta de cabeza.
Pero noutra falta directa o Pazos faría o cuarto.
Con 5 faltas os locais fixeron a sexta, nunha xogada innecesaria e dende os dez metros Jonas faría o quinto.
Partido que se fixo moi longo para os de Alfonso, e outra vez máis 3 goles a balón parado.
A vindeira xornada o Vilalba F.S. visita ao Sala Ourense.

Vilalba F.S. 1: Iago, Jose López, Roi, Alvarito, e Nuno, -cinco inicial-, Freire, Luis, Paulo, Antón e Diego.
Pazos de Borbén F.S. 5: Esteban, Jonas, Eloy, Luis e Lito, -cinco inicial-, Jony, José, Marcos e Breixo.
Árbitros: Juan José García Gómez, Eduardo Cordal Martínez e Adrián Figueroa Veiga.
Amoestaron con amarela a Roi e Jose López no Vilalba. Polo Pazos viron cartón José, Luis e Lito.
Goles: 1-0 min. 9 Luis, 1-1 min. 9 José , 1-2 min. 13 Jonas , 1-3 min. 24 Jony, 1-4 min. 30 Jonas, 1-5 min. 32 Jonas.

3/2/17

A polo líder!

Este sábado día 4 o Vilalba F.S. recibe ao Pazos de Borbén, as 18:30, no Pavillón Municipal.
Os vilalbeses arroupados pola súa afección, buscarán unha vitoria diante do lider da Terceira.
Os de Alfonso son oitavos na clasificación con 5 vitorias, 3 empates e 7 derrotas, e os visitantes son primeiros con 12 vitorias, 1 empate e 2 derrotas.
Let's go Peugeot!!!

2/2/17

Entrevista a Alfonso 16ª Xornada

Entrevista a Alfonso González na Radio Principal Vilalba Cadena Ser, sobre a 16ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 16ª XORNADA

30/1/17

Repítese a historia

O Vilalba F.S. empatou a 2 goles contra o Casás, noutro partido ao que por desgraza parecía que o guión xa estaba escrito antes de xogarse. Dominio dos vilalbeses cunha morea de ocasións que desperdiciaron, encaixando dous goles de estratexia.
Pois o dito, o ex-xogador do Vilalba, Pequecho, adiantaría aos lucenses no saque dunha falta no segundo pau. As ocasións para os vilalbeses serían moitas. Nun lanzamento de falta de Tucho, Rafael marcaría en propia porta.
Os de Alfonso na primeira metade, mandaría o coiro aos paus en 3 ocasións e fallarían un dobre penalti que tamén foi á madeira.
Na segunda parte Freire adiantaría aos visitantes e Félix poñería a taboas no marcador.
Alvarito sería expulsado por un dobre cartón moi riguroso. Con superioridade o Casás apenas inquietou a porta de Iago.
Empate que sabe a pouco en Vilalba.
No encontro, Tucho sufriría unha escordadura no ligamento lateral externo do xeonllo dereito. Dende a administración desexamos unha pronta recuperación.
A vindeira xornada o Vilalba F.S. recibirá ao lider da terceira, o Pazos de Borbén.

C.P. Casás 2: Carlos, Pequecho, Pablo, Félix e Christian, -cinco inicial-, Alexandre, Jairo, Julio, Rafael e Ignacio.
Vilalba F.S. 2: Iago, Jose López, Roi, Alvarito e Nuno, -cinco inicial-, Tucho, Freire, Luis, Paulo, Antón e Diego.
Árbitros: Borja Moreira Bermúdez, Emilio González Alvedro e Iván Enríquez Fontenla.
Amoestaron con amarela a Pablo, Jairo e Félix do Casás. No Vilalba viron cartón Jose López e Freire. Foi expulsado por dobre cartón Alvarito.
Goles: 1-0 min. 2 Pequecho, 1-1 min. 8 Rafael P.P., 1-2 min. 27 Freire, 2-2 min. 33 Félix.

27/1/17

Enfrontamento directo contra o Casás

Este domingo día 29, o Vilalba F.S. viaxa a Lugo para enfrontarse ao Casás as 12:00, no Pavillón Municipal.
Os de Alfonso contan con 4 puntos de vantaxe na clasificación.
Os vilalbeses son oitavos con 5 vitorias, 2 empate e 7 derrotas, e os lucenses son undécimos con 4 vitorias, 1 empate e 8 derrotas, cun partido menos.

Entrevista a Alfonso 15ª Xornada


Entrevista a Alfonso González na Radio Principal Vilalba Cadena Ser, sobre a 15ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 15ª XORNADA

25/1/17

Dani Martínez causa baixa

O xogador que fichara no 2015, deixa o Vilalba F.S. despois de tempada e media. O encontro contra o Bembrive, convertiuse no derradeiro onde Dani vestiría a camisola verde.
Dende a administración dámoslle as grazas por estes anos.


23/1/17

Roi empata faltando 20 segundos

O Vilalba F.S.  empatou a 3 goles contra o Bembrive, nun partido onde mereceron a vitoria, pero a falla de acerto de cara a porta, fixo que se escaparan os puntos do Municipal.
Comezaba ben o encontro para os vilalbeses que dominaban con xogo e ocasións. Roi inauguraría o marcador. Pero Fabián empataría cun tiro dende fora da área. Os locais desperdiciarían varias ocasións destacando dous disparos ao pau.
Nunha mala saída de Iago os visitantes marcarían o 1 a 2 antes do descanso.
Na segunda metade os de Alfonso tiveron altos e baixos.
Tucho empataría no minuto seis, poñendo emoción no marcador. Mediada a segunda parte os visitantes adiantaríanse de novo.
Os locais tentábano pero sen moita precisión.
E faltando 3 minutos co cinco para catro e os seareiros animando sen descanso, os vilalbeses medraron e tiveron unha morea de ocasións, un par de paus e outras duas na que o porteiro estivo sobresainte.
E sen darse por vencidos, a falla de 20 segundos Roi empataría o partido. Xa no daría tempo para máis.
Na vindeira xornada o Vilalba viaxa a Lugo para enfrontarse ao Casás.

Vilalba F.S.: Iago, Jose López, Roi, Alvarito, e Nuno, -cinco inicial-, Tucho, Luis, Freire, Paulo, Antón e Dani Martínez.
Bembrive F.S.: Diego, Carlos, Javier, Pablo e Alberto, -cinco inicial-, Javier, Félix, Fernando, Fabio, Carlos, Aarón e Fabián.
Árbitros: Mario Salinas García, Roberto Segundo Amor Vizos e María Begoña López Fernández.
Amoestaron con amarela a Jose López, Freire e Roi no Vilalba. Polo Mosteiro viron cartón Pablo e Carlos.
Goles: 1-0 min. 5 Roi, 1-1 min. 11 Fabián , 1-2 min. 18 Aarón , 2-2 min. 26 Tucho, 2-3 min. 31 Carlos, 3-3 min. 39 Roi.


19/1/17

Luis de Cospeito volta á pista

Nunca lle deu a espalda ao equipo. Sempre estivo cando fixo falla. E unha vez máis dará a cara para axudalo.
Luis Vázquez volta a calzar as zapatillas para reforzar ao plantel que por mor das baixas quedou limitado.
MOITAS GRAZAS!! NON NOS FALTES NUNCA!!




Entrevista a Alfonso 14ª Xornada

Entrevista a Alfonso González na Radio Principal Vilalba Cadena Ser, sobre a 14ª Xornada.

Se queredes escoitala en directo os xoves, podedes facelo no 87.7 FM ou na web www.radioytele.es

ENTREVISTA A ALFONSO 14ª XORNADA

16/1/17

A estratexia condena aos vilalbeses

O Vilalba F.S. perdeu por 5 a 2 contra A Estrada, nun encontro onde a estratexia por parte dos locais foi determinante.
Comezaría marcando Alvarito para os vilalbeses, pero en duas xogadas a balón parado, os estradenses remontarían o encontro, chegando ao descanso co marcador de 2 a 1.
Á volta dos vestiarios Alvarito de novo nunha xogada con Nuno, empataría o partido.
Había ocasións para ambos equipos, pero nunha falta, A Estrada poñeríase de novo por diante.
Xa nos derradeiros minutos co Vilalba xogando co cinco para catro, chegarían dous novos goles para os locais.
Bo partido dos de Alfonso e Luis, que se viron condeados na estratexia e pequenos erros.
Na vindeira xornada o Vilalba F.S. recibirá ao Bembrive, actual colista. De gañar daría un paso máis para acadar a permanencia.

A Estrada F.S. 5: César, Sergio, Ricardo, Pablo e Lozano, -cinco inicial-, Adrián, Joaquín, Martín, Eduardo, Julio e Borja.
Vilalba F.S. 2: Iago, Jose López, Roi, Alvarito e Nuno, -cinco inicial-, Tucho, Freire e Dani Martínez.
Árbitros: Jorge Varela Señaris, Rubén García Montoiro e Inmaculada Silva Martínez.
Amoestaron con amarela a Adrián, Lozano e Sergio de A Estrada. No Vilalba viron cartón Alvarito, Roi e Jose López.
Goles: 0-1 min. 3 Alvarito, 1-1 min. 9 Lozano, 2-1 min. 16 Lozano, 2-2 min. 22 Alvarito, 3-2 min. 31 Pablo, 4-2 min. 37 Julio, 5-2 min. 39 Pablo.

13/1/17

Comeza a segunda volta

Despois deste largo parón, volta a Terceira División.
O Vilalba F.S. visita este sábado as 19:00, ao equipo máis en forma no último tramo ligueiro, A Estrada Futsal, que gañou os últimos 7 partidos de liga e tamén o encontro de oitavos da copa. Na primeira volta os vilalbeses gañaran por 9-6.
Non será doado para o Vilalba, que soamente conta con 9 xogadores do primeiro equipo, despois das baixas de Luis, Diego Fente, Miguilla e César.

10/1/17

Luis será baixa para o que resta de tempada

Luis terá que pasar polo quirófano para someterse a unha intervención cirúrxica, que lle  impedirá xogar o que resta de tempada.
Dende a administración desexámoslle unha pronta recuperación e que poda voltar á pista en perfectas condicións.
MOITA SORTE!!



9/1/17

Diego Fente ficha polo Orchies Douai Futsal

O Vilalba F.S. perde ao seu máximo goleador desta tempada, que volta a Francia, para seguir coa súa proxección.
Diego ficha polo Orchies Douai Futsal da primeira división, que actualmente está na loita polo descenso.
Dende a administración desexámoslle MOITA SORTE nesta nova andaina.
É O GOL QUE MARCA DIEGO FENTE, QUE SE NOTE QUE ESTÁS PRESENTE!!

Foto: María Roca